Apne Ehsaas se chukar mujhe Sandal kardo,

Apne Ehsaas se chukar mujhe Sandal kardo,
mai ke hun sadyyon se adhura mukammal kardo,

Na tumhe Hosh rahe na mujhe Hosh rahe,
is Qadar toot ke chaho mujhe Paagal kardo,

tum Hatheli ko apni mere pyar ki Mehndi ye rango,
apni Ankhonn mai mere pyar ka Kajol kardo,

Dhoop hi Dhoop hun mai toot ke barso mujh par,
mai to Sehry hun mujhe Pyar ka Baadal kardo,

iske Sayye se mere Khaywaab Mehak uthenge,
mere Chehre pe Umeed Bhara anchal kardo,

apne hontoon ki koi Mohar lagao mujh par,
ik Nazar pyar se dekho mujhe Ghayal kardo.

Dayar-E-Ghair Mein Kaise Tujhe Sada Dete

Dayar-E-Ghair Mein Kaise Tujhe Sada Dete
Tu Mil Bhi Jata To Tujhe Ganwa Dete

Tumhin Ne Ham Ko Sunaya Na Apna Dukh Warna
Dua Wo Karte K Ham Asman Hila Dete

Hamein Ye Zom Raha Ab K Woh Pukarenge
Unhen Ye Zid Thi K Har Bar Ham Sada Dete.

Wo Tera Gham Tha K Tasir Mere Lahje Ki
K Jis Ko Hal Sunate Use Rula Dete.

Tumhen Bhulna Hi Awwal To Dastaras Mein Nahin
Jo Ikhtiyar Bhi Hota To Kya Bhula Dete.

Tumhari Yad Ne Koi Jawab Hi Na Diya
Mere Khayal K Ansu Rahe Sada Dete.

Samton Ko Main Ta-Umar Kosta Syed
Wo Kuch Na Kahte Magar Honth To Hila Dete.

Hijar ka tara doob raha hai, dhalne lagi hai raat WASI

Hijar ka tara doob raha hai, dhalne lagi hai raat WASI.

katra katra baras rahi hai ashkon ki barsaat WASI.

tere baad ye duniya wale mujhko pagal kar dein ge

khushbu k dais mein le chal mujhko saath WASI

yun hi chup ki muhar laga kar kab tak gumsum baitho ge ?

kkhamoshi se dam ghut-ta hai, chero koi baat Wasi.

aaj to usska chehra b kuch badla badla lagta hai

mausam badla duniya badli badal gaye halaat WASI.

mere ghar khushboo ka ye raqs ussi k dam se hai

uss k saath chali jaye gi phoolon ki barsaat WASI.

chor WASI ab usski yaadien tujhko pagal kar dein gi

tu qatra hai wo darya hai dekh apni aukaat WASI.

Ab to mumkin hi nahin un se mulaqat Wasi

Ab to mumkin hi nahin un se mulaqat Wasi
Ab to mumkin hi nahin un se mulaqat Wasi.

Ab to urooj pe pohunchi hai us ki zaat Wasi.


wohi waady hain aur rasmon ki zanjeerein baqi

Kab badalti hain zamaney ki riwayaat Wasi.




Ek wo din thy ke ek doosrey ko sochtey thy hum
Ab miltey nahin dono ke khayalaat Wasi.